|
Þriðjudagur, 31 Ágúst 2010 12:28 |
|
Haustin eru heillandi tími. Skólarnir eru að hefja störf að nýju eftir sólríkt sumar. Eftirvænting ríkir meðal skólabarnanna – augnagotur og umhugsun um hvað veturinn muni bera í skauti sér. Það er ekki laust við að foreldrarnir fái líka fiðring í magann, kannski af gömlum vana.
Öll viljum við að börnum okkar líði vel í skólanum og námsárangur þeirra sé góður. Rannsóknir sýna að þátttaka foreldra í skólastarfi er áhrifamesti þátturinn þegar kemur að líðan og árangri nemenda.
|
|
Lesa meira...
|
|
|
Foreldrar fylgi börnum í skólann |
|
Mánudagur, 23 Ágúst 2010 14:54 |
|
SAMFOK, samtök foreldra grunnskólabarna í Reykjavík, hvetur foreldra til að ganga með börnum sínum í skólann fyrstu skóladagana. Þetta á sérstaklega við um yngstu börnin sem eru að hefja skólagöngu sína. Mikilvægt er að sýna þeim heppilegustu leiðina og kenna þeim á nærumhverfi sitt. Gangan er auk þess skemmtileg og hressandi fyrir alla og gefur foreldrum innsýn í heim barnsins og umhverfi skólans.
|
|
Lesa meira...
|
|
Fulltrúi Samfok í nýjum stýrihópi |
|
Miðvikudagur, 18 Ágúst 2010 09:52 |
|
Menntaráð Reykjavíkur ætlar að vinna markvisst að því að efla námsárangur drengja í grunnskólum. Samkvæmt könnun Háskóla Íslands sem gerð var árið 2008 þykir 67 prósentum drengja í 1. bekk gaman að læra en 83 prósentum stúlkna.
|
|
Lesa meira...
|
|
|
Góð lesning fyrir foreldra og kennara |
|
Fimmtudagur, 19 Ágúst 2010 15:54 |
|
Samfok vill vekja athygli á nýrri bók um samstarf heimila og skóla eftir Nönnu Kristínu Christiansen. Bókin heitir Skóli og skólaforeldrar - ný sýn á samstarfið um nemandann. Í henni er fjallað um samstarf kennara og foreldra á víðum grunni, mörgum áleitnum spurningum er svarað og foreldrum og kennurum gefin hagnýt ráð. Höfundur bókarinnar hefur starfað að málefnum grunnskólans í 30 ár og hefur því víðtæka reynslu á þessu sviði bæði sem foreldri og fagmaður. Bókina er hægt að kaupa á www.skolaforeldrar.com
|
|
Foreldrar, auðlind í skólastarfi |
|
Mánudagur, 16 Ágúst 2010 15:31 |
|
Nú þegar grunnskólar taka senn aftur til starfa kemur enn til kasta foreldra að hafa jákvæð áhrif á skólastarf með aðkomu sinni að því. Í öllum grunnskólum eiga að vera starfandi foreldrafélög, í öllum bekkjum eru bekkjarfulltrúar og foreldrar eiga einnig fulltrúa í skólaráðum grunnskólanna. Rannsóknir hafa sýnt að þegar foreldrar taka virkan þátt í skólastarfi er frammistaða barna þeirra betri, sjálfstraustið meira og viðhorfið jákvæðara.
Láttu ekki þitt eftir liggja, foreldrasamstarf er bæði skemmtilegt og gefandi og í þágu barnsins þíns. |
|
|
<< Byrja < Fyrra 1 2 3 4 5 6 7 8 9 10 Næsta > Endir >>
|
|
Síða 1 af 22 |
