Foreldraverðlaun Heimilis og skóla – landssamtaka foreldra voru afhent í 15. sinn þann 1. júní í Þjóðmenningarhúsinu. Katrín Jakobsdóttir mennta- og menningarmálaráðherra afhenti verðlaunin. Handhafar Foreldraverðlaunanna 2010 eru Vinafjölskyldur í Vesturbæjarskóla, verkefni Margrétar Gylfadóttur, Sesselju Ólafsdóttur og Maríu Helenu Sarabia, foreldra í Vesturbæjarskóla.

Breytingar urðu á stjórn SAMFOK á aðalfundi félagsins í gær, 27 maí. Guðrún Valdimarsdóttir, hagfræðingur, var kosin formaður en Hildur Björg Hafstein gaf ekki kost á sér til áframhaldandi formennsku. Þorsteinn Ingi Víglundsson, verkfræðingur, kemur nýr sem aðalmaður inn í stjórnina og til vara þær Helga Andrea Margeirsdóttir félagsráðgjafiog Áslaug Björgvinsdóttir lögfræðingur.