Kynningarfundir fyrir fulltrúa foreldra í skólaráðum

Í kjölfar kynningarfunda sem SAMFOK, Menntasvið, Kennarafélag Reykjavíkur og Skólastjórafélag Reykjavíkur stóðu fyrir í byrjun árs 2009 mun SAMFOK áfram bjóða fulltrúum foreldra í skólaráðum stuðning og aðstoð. Til að undirbúa skólaráðsfulltrúa verður farið yfir eftirfarandi atriði: Hvert er hlutverk skólaráða? Hvert er hlutverk fulltrúanna? Hvar er hægt að nálgast gögn sem nýtast í starfinu?  Farið yfir reglugerð fyrir skólaráð. Lögð verður sérstök áhersla á nægur tími gefist til umræðna.

1. október kl. 20:00 – 22:00; hjá SAMFOK, Suðurlandsbraut 24, 3. hæð

Námskeið fyrir stjórnir foreldrafélaga

Hlutverk foreldrafélaga með tilkomu nýrra grunnskólalaga; skipulagning starfsins, verkaskipting, mikilvægi þess að virkja sem flesta og mögulegar leiðir til þess verða áhersluatriði á námskeiðinu. Námskeiðið stendur yfir eitt kvöld og er boðið upp á tvo valmöguleika:

18. september kl. 20:00 – 22:00; hjá SAMFOK, Suðurlandsbraut 24, 3. hæð

24. september kl. 20:00 – 22:00; hjá SAMFOK, Suðurlandsbraut 24, 3. hæð

Námskeið fyrir bekkjarfulltrúa

Af hverju ættum við að taka þátt? Hvert er hlutverk bekkjarfulltrúa? Hvernig virkjum við aðra? Þetta eru spurningar sem brenna á flestum þeim sem taka að sér forystuhlutverk í foreldrasamstarfi og verða þær í brennidepli á námskeiðinu. Námskeiðið stendur yfir eitt kvöld og er boðið upp á tvo valmöguleika:

16. september kl. 20:00 – 22:00; hjá SAMFOK, Suðurlandsbraut 24, 3. hæð

29. september kl. 20:00 – 22:00; hjá SAMFOK, Suðurlandsbraut 24, 3. hæð